اجدد امتحان امتحانات الثانويه العاميه

اجدد امتحان

امتحانات الثانويه العاميه







وزارة : هنديك بالشبشب



أختبار اللغة العربية

ان شاء الله هنشوفك السنة الجاية يا باشا



وقت الاجابة : خلص نفسك و اجري

=====================









اسم الطالب : ناسي البطاقة في البيت يا معلم

نوع الطلب : علمي علمك

عدد الطلبات : طلب واحد شاي

عنوان المنزل (( في حالة الانتحار او الوفاة )) : اول ناصيه على ايدك اليمين

تليفون المنزل : اتنين صفر و اربعه خضر



=====================



هذا الامتحان برعاية بيبسي كولا

دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها ((

وراك وراك ))



=============================================



ملاحظات :

(1) اجب عن الأسئلة التعجيزية التالية و عددها ( 6 ) إجباري و ( 1 ) اختياري

على أن يكون مجموع الأسئلة (7) .

(2) عجلة الجاذبية 9.8 ( في حالة انك حبيت تنط من الشباك )

(3) يسمح بالغش من اللي وراك أو اللي قدامك أو اللي جنبك (( طبعاً ماحدش عارف

حاجة عشان يديك يا حلو ))







==================================================







السؤال الاول :

جاوب الاسئلة بعد ما تقرا النص



قال ريكو في أغنية (( خلي الشعب يعيش )) مايلي :





راحت عليكي الدنيا .. وراح زمن الشهادات

و بقيتي يا دنيا ماشية عالسقفة و عالصاجات





الاسئلة :



1- اشرح الآبيات الاربعة الاخيرة من النص بما لا يقل عن 90 سطرا باختصار شديد

(9 علامات)



2- لماذا أكد الشاعر على القصد الشريف و النية الصادقة

3- استخرج من البيت الاول محسن ابراهيم و محسن اسماعيل مبيناً نوع كل محسن

منهما . (3 علامات)



4- استخرج من البيت الثالث صورتين فوريتين مبينا نوع الكاميرا (3 علامات)







==================================================



مساحة خالية للإعلان - ت : واحد اتنين .. الجيش العربي فين







==================================================







السؤال الثاني ( 8 علامات )







أعط أسباب ما يلي مع شرح وافي :

(( ياعم كبر يا عم بص .. ده حتى بص .... ))





1- تم نقل السوق المالي إلى سوق السمك ؟ (2 علامة)



2- إقبال الناس الى شراء نوكيا 9990 و عدم شراء نوكيا 9900 ؟ (2 علامة)



3- إغلاق شبكة الأخبار بعد زواج شارون ستون ؟ (2 علامة)



4- أسباب اندلاع الحرب بين ..... ما فيش فرق، اختر أي حرب، ماهو انت هتعيد

كده كده ؟ (2 علامة)



==================================================



*** أخي الممتحن أقلب الصفحة: والله لتندم ع الساعة اللي دخلت فيها المدرسة

***







==================================================









السؤال الثالث –اختياري- (5 علامات)







اكتب الاسم المستوفى من السؤال







ما اسم الراجل اللي حط كرتونة مياه (( بركة )) المعدنية رقم - 966504 - في

سيارة نقل القاهرة رقم - 125986 - ؟



( ورد ذكر اسم هذا الرجل في اكثر من مسلسل تليفزيوني )؟ (5 علامات)







==================================================





فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري

حتى نهاية الوقت المحدد للإمتحان ))





==================================================







السؤال الرابع (8 علامات)







ورد في قناة روتانا فيديو كليب " ليلي نهاري " للمخرج كاميرون كايسي و غناء

عمرو دياب :







" احكيلك ايه خلاص ما انت شايف من غير ما اقول اكيد انت عارف كلام كتير انا

نفسي اقوله و كلام كتير يا ريتك تقوله و جنبك حياتي دي اجمل حياة "





الأسئلة





1- ماذا كان يريد ان يقول عمرو دياب لتلك الفتاة بالظبط ؟ (4 علامات)



2- ما نوع الكنبة اللي كان قاعد عليها عمرو في الاغنية , و ما إسم عامل

السفنج في المصنع ( مع التوضيح ) ؟ (2 علامة)



3- ما اسم صبي الخياط بتاع ام الموديل اللي كانت مع عمرو في الكليب ؟ (2

علامة)







==================================================





السؤال الخامس (20 علامة)





موضوع تعبير





قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة

"







أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب

انفصال الحاجة زعبولا عن هندامة (( زوجته الاولى )) (20 علامة)





==================================================





بيبسي كولا



المشروب الرسمي لهذا الامتحان







==================================================



***أخي الممتحن أقلب الصفحة أحسنلك (( اصلك مش عارف اللي فيها )) ***



==================================================







السؤال السادس ( 19 علامة )





اجب عن أربعة فقط من الأسئلة التالية





1- ما رأيك بتصرفات " رفيع " و " فرحة " في مسلسل الضوء الشارد ؟ (5

علامات)



مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح

مطعم ( تيتو )







2- ما رأيك بموقف "حسام" من "سرية" في مسلسل الحقيقة و السراب ؟ (5 علامات)







3- من برأيك أقوى وأفضل بوكيمون - ام ان – بيكاتشو هو الافضل ؟؟؟ (5

علامات)







4 – اذكر أسماء أبطال كابتن ماجد، مع بيان فريق كل منهم. وما عدد الأهداف

التي سجلها الكابتن ماجد



في كأس العالم الأخيرة في كوريا و اليابان 2002. (4 علامات)









==================================================





عرض موبينيل الجديد من سمعان أبو رنه ، اشتري كارت ب330 جنيه و احصل على نص

جنيه في الرصيد مجاناً





==================================================





سؤال المساعدة ( لرفع العلامة ) ( 20 علامة)

و ملهوش لازمة اساساً





================================================== [/





أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة

مقاطع مع عدد السنوات التي ترأسوا فيها البلدية

ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945

بالقنبلة الذرية على أن تكون إحداهن شقراء





==================================================



انتهت الاسئلة و نلقاكم في امتحان الدور التاني انشاء الله

ربنا يعينكم علينا







مع تحيات بيبسي كولا الراعي الرسمي للأمتحان

















جمهورية مصر العربية

وزارة الاغبية و التعقيد

امتحان اتمام شهادة الثانوية العامة لعام 2008

التاريخ و الهندسة الفراغية الزمن:4 دقائق الا ربع



ملحوظة : يجوز استخدام الاقلام الاسرائيلية دعما للمقاطعة



السؤال الاول



اشرح معنى كلمة نابليون فى 50 سطر بحيث يكون عدد كلمات السطر 11 كلمة و نصف



السؤال الثانى



الازدواج التاريخى فى سياسة بسمارك يؤدى للاتساع التاريخى مع بعض التباعد
فى الابعاد المتقاربة حيث ان زاوية الانحراف تساوى 310 درجة اشرح معنى
الجملة شرحا وافيا مملا



السؤال الثالث



ا) اكتب تاريخ العالم من خلق ادم لحرب العراق

ب) اختر:

1-اللاعب الدولى ابراهيم خربوش يلعب فى (الترسانة-العين-انفه)

2-حيوان يبدأ بالحاء(حسونة الاقرع-حتشبسوت-حرامى الحلة)

3-الورد الاحمر لونه(اخضر-تريكواز-بنى غامق)

ج)تزوجت كليوباترا من انطونيوس فى القرن ال 14 من فهمك لمنهج التاريخ اذكر:

1-اسم قاعة الافراح التى اقيم بها حفل الزفاف

2-اسم المأذون

3-اسم ابن اخت العريس

السؤال الرابع



اذا افترضنا ان سياسة هتلر عبارة عن مثلث متساوى الساقين ا ب ج بداخله
دائرة محيطها 25 سم تمثل الازدواج التاريخى بداخلها الوتر الذى يمثل القوى
العظمى فى العالم الثالث اثبت ان التباعد التاريخى = قياس زاوية ا ب ج +
نصف ط نق تربيع - مساحة نق

* لايسمح باستخدام الالة الحاسبة

* لا يسمح باصطحاب نوكيا 1100 ويسمح بباقى الانواع

السؤال الخامس



ا)اذكر العلاقة بين انهيار الاتحاد السوفيتى و خروج فرنسا من يورو 2008



لمعرفة بقية الاسئلة اتصل على 090000000



______________________________



يااااااااااارب تعجبكم

بس يا تري الامتحانات دي تدخل كلية اية؟

ههههههههههههههه