حوار بين طالب ثانوى ومعلمه

حوار بين طالب ثانويه عامله بس دماغه عاليه ومعلمه



كل ما الاستاذ يقوله حاجة يرد عليه باغنيه ومواااال
المعلم يسأل الطالب :
غير صيغه الفعل من المضارع الى الماضي .
الطالب : خلاص الماضي ودعته = محيت ذكراه من بالي
انا من باعنى ابيعه = مندمش فى يوم عليه
المعلم : انت فاكر دمك خفيف , انت عاوز تعلمني الهيافه بتاعتك ؟
الطالب : حاجات علمتهاك .... وحاجات نولتهاك ..... وحاجات عيشتهلك .... ايام مكنتي معايه .... بريئه بتحلمي !
المعلم : ياض يخرب بيت عقلك انت فاكرني بنت يا مسطول , اعتذر وتوب قبل ما ارميك من الشباك.
الطالب : وانا كل ما اقول التوبه ترميني المقادير يا عين !

المعلم : انا رايح اجيب الناظر يتفاهم معاك , وحتشوف لما يجي حيعمل فيك ايه
الطالب : الغضب الساطع آت وانا كلى اجتهاااااااد - من كل مكان آت آت آت! :
المعلم : هزر زي ما انت عاوز وحنشوف حتعمل معاه ايه !
حضر الناظر مع المعلم وسال الناظر الطالب :
الناظر : انت ايه حكايتك مع المدرس ؟
الطالب : تواعدنا انا وياه = لكن ما توادعنا
الناظر : انت يا ابني بالع رديو ولا شريط .... مالك كده على بعضك مزيكا ! انت ما نمتش امبارح وشكلك مهيس؟
الطالب : نسيت النوم واحلامه = نسيت لياليه وايامه !
الناظر : اطلع بره ومتجليش بكرة غير وابوك معاك
الطالب وهو خارج من الفصل : هيجيلك يوم وتندم اه اه = واقول منك لله يكفي اه اه انت منك لله !
المعلم للناظر : الطلاب الي زي دول بتعمل معاهم ايه ؟
الناظر : اطبطب ............. وادلع !!!!!!!!!!!!